Hûn Bi Ser Ketin Xwedawendên Azadiyê

Loqman Aslan

Dil natirse ji mij û dûmanan

Lewma hûn hene bi ronahî

Dil natirse ji bablîsokan

Xwedawendên bayê hene

Gewde Beritan e

Birdozî Zîlan e, felsefe gerîlatî ye

Ba û bahoz ne xem in

Keştiya Ocalan bingehîne

Ji darê keştiya Nûh e

Em li ser behra bin jî

Dê bimeşe ev karwan

Karwanê azadî pîroz e

Ne pêkane bi torîkan bisekine

Çi şaşik reş, çi dev qirêj

Êdî ne mertalin

Li pêşiya karwanê azadiyê

Wê bizeliqin di kîna xwe de

Lewma YPG û YPJ’ ê hene

İlmê tevgerê Azadî xwendine

Felsefa exlaqî Sara ye

Bi ciwankarî û vîna Şêrîn Elemhûlî

Ronahî hat ji Rojhilat

Li Bakur govend pê ket

Rojava girte dîlanê

Silavan berçemk girt

Dîlan ket çar parçeyan

Vîna Kurdistan pişkuv da

Vayê hatin leşkerên me

Bakur gul dan destê wan

Kêf û şahî û dîlan

Pêşwazî kirin yekbûna Kurd

Silav ji Îmraliyê

Yek jî Başûr’ e

Êdî em bi ber bablîsokên

Xwe dikevin û diçin azadiyê

Ev govend gelek xweş e

Çar alî Kurdistan

Bûn yek li Kobanê

Mizgîn li te Rojin Gewda

Ev dîlan pir xweş e

Bila dilê te bê xem be

Kurdistan bi hev re çû dîlanê

Ev dîlana azadiyê ye

Wê mirasa we teqez be

Bi duqayên Ehmedê Xanî

Bi ilmê Zerdeştê Kal

Ev mizgîniya cîhanê ye

Girtîgeha Wan