BERKEVIRÊ

SEYRAN ŞÎLAN

Nesekine Ristem

Warê lehengan

Baxê listikên zarokan

Kanûna dilê dayikan

Ez tê bi kîjan navî

Bang bikim ji van?

Berkevirê…

Yan jî Sere Kaniyê

Ger ez bejim Sere Kaniyê

Dive ez bejim jiyan

Jiyan…

Divê ez bejim

Dar, ber, kulîlk, bax, zevî

Û bejim bihar

Berkevirê…

Tê tu navek ji van jî

Tu qebristanî

Tu mirinî

Tu ne kulîlkan

Tu bendan

Di hembêza xwe de

Dirazînî

Bedenen bê rih

Kulîlkên pêşerojê

Zarokên bê guneh

Berkevirê

De bigirî

Na negirî

De bikene

Na nekene

De xeber bide

Na xeber jî ne de

Berkevirê…

Nexwe bistirê

Min jî vexwîne şevbuhêrka xwe

Bila Ristem xeber bidin

Bi qehremanî

Bila lehengên ciwan

Govendê bigerinîn

Bila zarok bilîzin

Bila bav û dayik bikenin

Berkevirê…

Wekî herdemê

Girî jî behra min be

Ez ê jî bigirîm

Ti jî bisitirê, bisitirê

Û hey bistirê

Ji dirokê re

Bêje van destanan

Bi dengbejiya xwe

Vebêjr vê heqiqetê

Ji zarokên pêşeroja xwe re

Bi dengbejiya xwe bej na!

Berkevirê…

Belkî pênus têrê nekin

Belkî lênûsk nemînin

Ku van binivîsînin

Berkevirê…

Belkî rojekê hindek rabin

Çawên van ji nebin, kor bin

Qene bila guhên xwe bibihîsin

Berkevirê…

Ger tu rê bidî min

Hîna ez ê bî mêx nivîsekê bikolim

Ku ker bi guhên xwe nebihîstin jî

Bila bi destên xwe bixwînin, hîs bikin

Berkevirê…

Nexwe

Di her cejn û rojên pîroz de

Zarok werin

Bi zarokên tere bilîzin

Ciwan werin

Bi lehengên te re

Govendê bigerînin

Dayîk werin ser henûniya dile te

Çîrok û çîvanokan ji hev re bêjin

Serpêhatiyên dayikên te

Parve bikin

Qet nebe

Wê carinan bi hev re bikenin jî

Berkevirê…

Bila ruspî, rewşenbîr, dîroknas

Xwendevan,hunermend û helbestvan jî

Werin cıvata Risteman

Lî denge Ristemê narînî û zîz

Guhdarî bikin

Bêje kanî Ristem

Çi fermanê ji me re bêje

Ku em pê rabin

Ji bo azadiya Rêbertî û Kurdistanê

Berkevirê…

Ristem li çar parçeyên welêt

Bi lehengî têkoşîn kir

Qet rojekê newestiya

Bêhna xwe veneda

Xwe neda erde

Lê me nezanîbû ku

Ristem lê benda te ye

Tu yê azad bibî

Wê bê û di hembeza te de

Serê xwe deyne û

Cıvata xwe

Jî ewqasî mezin û geş bike

Geh coş, kelecan

Geh jî hesret û bêrîkirinan

Bi cıvata xwe ya leheng re

Parve bike

Berkevirê…